कयामतको शुरुआत कसरी हुन्छ ?

 الْاَرْضُ جَمِیْعًا قَبْضَتُهٗ یَوْمَ الْقِیٰمَةِ وَ السَّمٰوٰتُ مَطْوِیّٰتٌۢ بِیَمِیْنِهٖؕ۝ 

اور وہ قیامت کے دن سب زمینوں کو سمیٹ دے گا اور اس کی قدرت سے سب آسمان لپیٹ دئیے جائیں گے

भाषान्तर कन्जुल इमान नेपाली 

"र उ (अल्लाह पाक ) कयामत (महा-प्रलय)का दिन सम्पूर्ण धर्तीलाई उसको शान अनुरुप समेट्ने छ, र उसको (अल्लाह पाक) शक्ति र प्रभुत्व अनि उसको शान अनुसार सबै आकास बेरिनेछ।"

सूरा अज्–ज़ुमर (39:67)

अल्लाहले सुरा जुमरमा कयामतको दिनको दृश्यको बारेमा वर्णन गर्नुभएको छ। कयामत कसरी आउँछ भन्ने बारेमा कुरानमा वर्णन गरिएको छ। जब दुनियाँको अन्त्य नजिक आउँछ, तब एक आवाज आउँछ। आज, विज्ञानले पनि स्वीकार गरेको छ कि यो सौर्यमण्डलको एक निश्चित आयु छ। ताराहरू आफ्नो जीवन चक्र पूरा गरेर ब्ल्याक होलमा परिणत भइरहेका छन्। ताराहरूको आयु सीमित छ, जसमा सूर्य र चन्द्रमाको पनि आयु छ। यो विज्ञानको कुरा हो, तर अल्लाहले कुरानमा भन्नुभएको छ कि चन्द्रमा र सूर्य एक अर्कासँग ठोकिनेछन्, ताराहरू पनि ठोकिनेछन्। जब सूर्यलाई ठोकाइन्छ र ताराहरू एकअर्कामा ठोकिन्छन्, सूर्य कालो हुन्छ र लगभग केही पनि बाँकी रहँदैन। जसलाई अल्लाह पाकले यसरी कुर-आन मजिदमा भन्नु भएको छ "

"فَإِذَا بَرِقَ الْبَصَرُ ۝ وَخَسَفَ الْقَمَرُ ۝ وَجُمِعَ الشَّمْسُ وَالْقَمَرُ

اور چاند گہے گا (ف۷)اور سورج اور چاند ملادئیے جائیں گے (ف۸) 

भाषान्तर कन्जुल इमान नेपाली 

"चन्द्रमाको ज्योति हराउनेछ।र सूर्य र चन्द्रमा लाइ मिलाइने छ |"

(सुरह क़ियामह 75:8–9)

 कयामतको नजिक, पहाडहरू उडाइने छन्, समुद्रमा आगो लगाइनेछ र पूरै पृथ्वी समाप्त हुनेछ। सुरा कारियामा वर्णन गरिएको छ कि मानिसहरू पुतलीझैं उडिरहेका हुनेछन् र पहाडहरू कपासको भुवाझैं हुनेछन्।

یَوْمَ یَكُوْنُ النَّاسُ كَالْفَرَاشِ الْمَبْثُوْثِۙ(۴)۝ 

وَ تَكُوْنُ الْجِبَالُ كَالْعِهْنِ الْمَنْفُوْشِؕ(۵)۝ 

جس دن آدمی ہوں گے جیسے پھیلے پتنگے (ف۳)اور پہاڑ ہوں گے جیسے دھنکی (دھنی ہوئی)اون (ف۴)

भाषान्तर कन्जुल इमान नेपाली  

"जुन दिन मानिसहरू छरिएका पुतलीहरू जस्तै हुनेछन्।"(फ३)"र पहाडहरू धुनिएको ऊन जस्तै हुनेछन्।"(फ४)

(सूरा अल-कारिआ ४-५ )

कयामतको शुरुआत कसरी हुन्छ, त्यो एक लामो कुरा हो। संक्षिप्तमा, पैगम्बर मुहम्मद (सल्लल्लाहु अलैहि वसल्लम) को हदीसहरूमा कयामतका केही ठूला संकेतहरू वर्णन गरिएको छ, जस्तै दज्जाल आउनेछ, दाब्बातुल-अर्ध आउनेछ, याजुज माजुज आउनेछन्, र सूर्य पश्चिमबाट उदाउनेछ। यी सबै ठूला संकेतहरू हुन्। यी घटनाहरू पछि, पृथ्वीबाट सबै मुसलमानहरू समाप्त हुनेछन्। त्यसपछि एक समय आउनेछ जब सबै मानिसहरू आ-आफ्नो काममा व्यस्त हुनेछन्, कोही कसैको वास्ता गर्ने छैनन्। कसैले कपडा काटिरहेको, कोही दूध दुहिरहेको र कोही खेतमा हलो चलाइरहेको हुनेछ। अचानक एउटा आवाज आउनेछ। यो आवाज नै सूरको आवाज हो। 

          وَ نُفِخَ فِی الصُّوْرِ فَصَعِقَ مَنْ فِی السَّمٰوٰتِ وَ مَنْ فِی الْاَرْضِ اِلَّا مَنْ شَآءَ اللّٰهُؕ۝ 

اور صور پھونکا جائے گا تو بے ہوش ہوجائیں گے (ف۱۴۱) جتنے آسمانوں میں ہیں اور جتنے زمین میں مگر جسے اللہ چاہے (ف۱۴۲)

भाषान्तर कन्जुल इमान नेपाली 

"र जब बिगुल (सिंग) फुकिने छ , सबै बेहोस भएर ढल्ने छन् , जति  आकाश र पृथ्वीमा छन् तर  जसलाई अल्लाहले चाह्यो, उ बाहेक।"

सूरह ज़ुमर (39:68)

अल्लाहका एक फरिश्ता इसराफील (अलैहिस्सलाम) एक बिगुलजस्तो चीज लिएर उभिएका छन्। उनले बिगुल बजाउन सुरु गर्नेछन्। सुरुमा यो आवाज बिस्तारै आउनेछ, र त्यसपछि यो यति बढ्दै जान्छ कि जो जहाँ थियो, त्यहीँ रोकिनेछ। कपडा काट्नेको हातबाट कैंची खस्नेछ, हलो चलाउने त्यहीँ रोकिनेछ, र दूध दुहुनेको हात त्यस्तै रहनेछ। गर्भवती महिलाहरूको गर्भबाट बच्चा खस्नेछ। त्यसपछि सबैमाथि मृत्यु हावी हुनेछ, र भूकम्पहरू आउनेछन् जसले पूरै पृथ्वीलाई हल्लाएर समाप्त गर्नेछ। यो कयामत हो। सूर फुक्नेबित्तिकै पृथ्वीमा भएका सबै मानिसहरू समाप्त हुनेछन्।

त्यसपछि अल्लाहले दोस्रो पटक सूर फुक्ने आदेश दिनेछन्। जब हजरत इसराफिल (अलैहिस्सलाम) ले पहिलो पटक सूर फुक्छन्, तब मानिसहरू, जिन्नहरू, जनावरहरू र सबै प्राणीहरूको मृत्यु हुन्छ। यहाँसम्म कि सबै तारा, चन्द्रमा, सूर्य र अल्लाहका सबै फरिश्ताहरू, जसमा हजरत जिब्राइल (अलैहिस्सलाम) पनि पर्छन्, सबैको मृत्यु हुनेछ। तब केवल हजरत इसराफिल (अलैहिस्सलाम) मात्र बाँकी रहनुहुनेछ। अल्लाहले उहाँलाई सूर फुक्न रोक्न आदेश दिनुहुनेछ र त्यसपछि उहाँलाई पनि मृत्यु दिइनेछ। इजराइल (अलैहिस्सलाम), जो सबैको रूह निकाल्ने फरिश्ता हुन्, उहाँले सबैको रूह निकालिसक्नुभएको हुनेछ, र त्यसपछि अल्लाहले उहाँको पनि रूह निकाल्नुहुनेछ। कुरानमा भनिएको छ: 

"كُلُّ شَیْءٍ هَالِكٌ اِلَّا وَجْهَهٗؕ۝ " 

 ہر چیز فانی ہے سوا اس کی ذات کے 

भाषान्तर कन्जुल इमान नेपाली 

"सबै चीज नाशवान छन्, केवल अल्लाहको अस्तित्व बाहेक"

सूरह अल-कसास  ८८

 त्यसपछि जब अल्लाहले चाहनुहुन्छ, उहाँले हजरत इसराफिल (अलैहिस्सलाम) लाई फेरि जीवित गर्नुहुनेछ। उहाँ फेरि उठ्नुहुनेछ र दोस्रो पटक सूर फुक्न आदेश दिइनेछ। यो सूर जीवनको सूर हो। यसलाई "नफ्ख-ए-उला" (पहिलो सूर) र "नफ्ख-ए-सानिया" (दोस्रो सूर) भनिन्छ।

ثُمَّ نُفِخَ فِیْهِ اُخْرٰى فَاِذَا هُمْ قِیَامٌ یَّنْظُرُوْنَ(۶۸)۝ 

پھر وہ دوبارہ پھونکا جائے گا (ف۱۴۳) جبھی وہ دیکھتے ہوئے کھڑے ہوجائیں گے (ف۱۴۴)

"फेरी त्यो दोस्रो  पटक फुकिने छ , तेहिबेला तिनीहरू हेर्दै उभिनेछन्"

सूरह ज़ुमर 68

दोस्रो पटक सूर फुक्नेबित्तिकै, आदम (अलैहिस्सलाम) देखि कयामतसम्मका सबै मानिसहरूलाई अल्लाहले फेरि जीवित गर्नुहुनेछ, चाहे तिनीहरूलाई जलाइएको होस्, जनावरले खाएको होस्, वा पानीमा समाप्त भएको होस्। हदीसमा भनिएको छ कि यो दोस्रो सूर फुकेपछि, सबैभन्दा पहिले पैगम्बर मुहम्मद (सल्लल्लाहु अलैहि वसल्लम) आफ्नो कब्रबाट उठ्नुहुनेछ, र त्यसपछि अबू बकर रजिअल्लाहू तआला अंह  र उमर रजिअल्लाहू तआला अंह  उठ्नुहुनेछ। त्यसपछि सारा मानवजातिलाई अल्लाहले जीवित गर्नुहुनेछ।

जब सबैलाई जीवित गरिन्छ, तब अल्लाहले एक नयाँ मैदान बनाउनुहुनेछ। जसलाई मैदान ए महसर भनिने छ | यो मैदान तामा र पित्तलले बनेको हुनेछ। त्यहाँ कुनै भवन, रुख वा पहाड हुनेछैन, केवल समतल मैदान मात्र हुनेछ। त्यसपछि सूर्यलाई फेरि जीवित गरेर सबैको टाउकोमाथि ल्याएर राखिनेछ। त्यहाँ 50,000 वर्षसम्म मानिसहरू रहनेछन् र कुनै छायाँ हुनेछैन, तर अल्लाहले केही भाग्यमानीहरूलाई आफ्नो अर्शको छायाँ दिनुहुनेछ। तीमध्ये एक त्यस्तो व्यक्ति हो जसको मन मस्जिदमा लागेको छ। अर्थात त्यो व्यक्ति जसले आफ्नो नमाज पश्चात पनि अल्लाह पाकको मन्जुरीका निम्ति केहि समय मस्जिदमा बिताउने गर्द छ |

त्यसपछि नाम-ए-आमाल (कर्मको किताब) मानिसहरूको हातमा दिइनेछ।

• जसको किताब दायाँ हातमा दिइन्छ, उ खुशी हुँदै सबैलाई देखाउँछ र भन्छ: “लौ! मेरो किताब पढ।”

• तर जसको किताब बायाँ हातमा दिइन्छ, उसले चिच्याउँदै भन्छ: “हाय! काश् मलाई मेरो किताब नदिएको भए हुन्थ्यो |

त्यसपछि मिज़ान (तौलने तराजु) राखिनेछ। मानिसका स-साना अमल, जति साना भए पनि, त्यसमा राखिनेछन्। जसको नेकी (सत्कर्म) भारी हुनेछ, ऊ सफल हुनेछ। जसको नेकी हल्का, ऊ घाटामा पर्नेछ।

وَ نَضَعُ الْمَوَازِیْنَ الْقِسْطَ لِیَوْمِ الْقِیٰمَةِ فَلَا تُظْلَمُ نَفْسٌ شَیْــٴًـاؕ-وَ اِنْ كَانَ مِثْقَالَ حَبَّةٍ مِّنْ خَرْدَلٍ اَتَیْنَا بِهَاؕ-وَ كَفٰى بِنَا حٰسِبِیْنَ(۴۷)۝ 

اور ہم عدل کی ترازوئیں رکھیں گے قیامت کے دن تو کسی جان پر کچھ ظلم نہ ہوگا اور اگر کوئی چیز (ف۹۶) رائی کے دانہ کے برابر ہو تو ہم اُسے لے آئیں گے اور ہم کافی ہیں حساب کو

भाषान्तर कन्जुल इमान नेपाली 

"र हामी कयामतको दिन न्यायका तराजु (Mizan) राख्नेछौं। त्यसदिन कसैमा पनि अन्याय हुने छैन। र राईको दानाभन्दा सानो कुरा भए पनि हामी ल्याउनेछौं। र हामी नै हिसाब गर्न पर्याप्त छौं।"

सूरह अल-अम्बिया आयत ४७

यो आयतले सबै कर्मको महत्त्वलाई जोड दिन्छ। यसले भन्छ कि चाहे कुनै काम 'राईको दाना' जति सानो किन नहोस्, त्यसको पनि हिसाब हुनेछ। यसले हामीलाई जीवनमा कुनै पनि राम्रो कामलाई सानो नठान्न र कुनै पनि पापलाई हल्का रूपमा नलिन प्रेरित गर्दछ।

अल्लाह हिसाब गर्न पर्याप्त हुनुहुन्छ: यस अंशले अल्लाहको पूर्ण ज्ञान र क्षमतालाई दर्शाउँछ। उहाँलाई कुनै पनि सहयोगीको आवश्यकता पर्दैन, किनकि उहाँ स्वयं सबै कर्महरूको हिसाब गर्न पूर्ण रूपमा सक्षम हुनुहुन्छ।

यो तराजु विशाल आकारको हुनेछ जसमा फरिश्ताहरूले आमाललाई राख्छन्।

• यसमा दुई पलडा हुन्छन् –

  • एकमा नेकी (सत्कर्म) राखिन्छ,

  • अर्कामा बदी (पापकर्म) राखिन्छ।

त्यसपछि सिरातको पुल राखिनेछ, जो जहन्नमको माथि हुनेछ। यसमा काँडाहरू छन् जसलाई सअदान भनिन्छ। यी काँडाले जस निम्ति आदेश छ, त्यसलाई अड्काउँछन्।

यो पुल कपाल  भन्दा पातलो र तरबारको धारभन्दा तीखो हुनेछ। सबै मानिसलाइ  त्यसबाट पार गराइनेछन्। जसले संसारमा असल कार्यहरु गर्दै अल्लाह पाकको आज्ञालाई पालना गर्यो उ उक्त सिरातबाट प्रकाशको गतिमा पार हुने छ |

जसले अल्लाह पाकको अवज्ञा गर्दै खराब कार्य गर्नेछ उ उक्त सिरातबाट पार हुने क्रममा दुइ टुक्रा भएर जह्न्नममा खस्ने छ | 

मानिसहरू आफ्ना आमाल (कामहरू) अनुसार यस पुलबाट पार हुनेछन र खस्ने छन ।

• कसैले आँखा झिम्क्याउनुअघि नै पार गर्नेछन 

• कसैले हावा झैँ पार गर्नेछन 

• कसैले घोडा वा ऊँटको दौडझैँ तीव्र गतिमा पार गर्नेछन 

• कसैले पैदल  हिडे झैँ धप्कधप्क गर्दै पार गर्नेछन ।

• तर केही मानिसहरू घिसारिँदै, घाइते हुँदै, नर्कमा खस्दै हुन्छन्। 

सिरात पार गर्दा मानिससँग केवल ईमानको रौशन (प्रकाश) हुन्छ।

• कसैको प्रकाश पहाड बराबर हुन्छ,

• कसैको खजुराको रूख बराबर,

• कसैको मान्छेको खुट्टाभन्दा अगाडि अलिकति मात्र,

• र कसैको प्रकाश कहिले बल्छ, कहिले निभ्छ।
  त्यस्तो मानिस निकै कठिनाइले, डराउँदै, चिप्लिँदै पार हुन्छ।

अन्ततः जो सफल हुन्छन्, उनीहरू सुरक्षित पार भएर जन्नतको ढोकासम्म पुग्छन्।
फरिश्ताहरू भन्छन्:
“सलाम छ तिमीहरूमा। अब सधैँ शान्तिमा प्रवेश गर।”

त्यस मैदानमा सबै मानिसहरू जम्मा हुनेछन्: काफिर, मुशरिक, पैगम्बर, औलिया, सहाबा, र सबै उम्मतीहरू। सबै जना अलमलमा हुनेछन्। त्यसपछि सबै मानिसहरू पैगम्बर आदम (अलैहिस्सलाम) को नजिक जानेछन् र अल्लाहसँग हाम्रो लागि सिफारिस गर्न अनुरोध गर्नेछन्। आदम (अलैहिस्सलाम) ले भन्नेछन् कि उनलाई डर छ, किनभने उनले स्वर्गमा वर्जित फल खाएका थिए। त्यसपछि मानिसहरू अन्य पैगम्बरहरूको नजिक जानेछन्, तर सबै पैगम्बरहरूले डरको कारणले सिफारिस गर्न इन्कार गर्नेछन्। अन्ततः, मानिसहरू पैगम्बर ईसा (अलैहिस्सलाम) को नजिक पुग्नेछन्, र उहाँले मानिसहरूलाई पैगम्बर मुहम्मद (सल्लल्लाहु अलैहि वसल्लम) को नजिक जान भन्नुहुनेछ।

जब सबै मानिसहरू पैगम्बर मुहम्मद (सल्लल्लाहु अलैहि वसल्लम) को नजिक आउँछन्, उहाँले भन्नुहुनेछ, "म यसैको प्रतीक्षामा थिएँ।" त्यसपछि उहाँ आफ्नो शिर सजदामा झुकाउनु  हुने छ र अल्लाहको प्रशंसा गर्न सुरु गर्नुहुनेछ। यसैलाई नै  "शफाअत-ए-कुब्रा" (महान सिफारिस) भनिन्छ। 

अल्लाहले भन्नुहुनेछ, "ऐ मुहम्मद, आफ्नो शिर उठाउनुहोस्। तपाईले जे माग्नुहुन्छ, त्यो दिइनेछ।" त्यसपछि पैगम्बर मुहम्मद (सल्लल्लाहु अलैहि वसल्लम) ले अल्लाहसँग हिसाब सुरु गर्न अनुरोध गर्नुहुनेछ। यो उहाँको पहिलो सिफारिस हुनेछ। अल्लाहले हिसाब सुरु गर्ने आदेश दिनुहुनेछ। फरिश्ताहरू सबै मानिसहरूको कर्मको किताब लिएर आउनेछन्। यो किताब यति ठूलो हुनेछ कि मानिसहरूको आँखाले जहाँसम्म देख्छ, त्यहाँसम्म तिनीहरूको किताब मात्र हुनेछ। त्यसमा सबै कुरा लेखिएको हुनेछ: सानो वा ठूलो, सबै कुरा। त्यसपछि मानिसहरूलाई उनीहरूको किताब पढ्न दिइनेछ। जसको दाहिने हातमा किताब दिइन्छ, त्यो खुसी हुनेछ, र जसको देब्रे हातमा दिइन्छ, त्यसको हिसाब कठिन हुनेछ।

त्यसपछि दोस्रो सिफारिस पैगम्बर मुहम्मद (सल्लल्लाहु अलैहि वसल्लम) ले आफ्नो उम्मतका लागि गर्नुहुनेछ। उहाँले अल्लाहसँग आफ्नो उम्मतको हिसाबलाई सजिलो बनाउन अनुरोध गर्नुहुनेछ। अल्लाहले उहाँलाई यो अधिकार दिनुहुनेछ। पैगम्बर मुहम्मद (सल्लल्लाहु अलैहि वसल्लम) ले आफ्ना उम्मतिहरुको हिसाबलाइ सजिलो बनाउनु हुनेछ |सहाबा ए कराम अलेही रिद्वानले सोध्ने छन् "या रसुलअल्लाह सल्लल्लाहु अलैहि वसल्लम हजुरले कसरि आफ्ना उम्मतिलाई चिन्नु हुने छ यत्रो भिडभाडमा "

नबि ए करीम सल्लल्लाहु अलैहि वसल्लम भन्नु हुन्छ " मैले मेरा उम्मतिलाइलाइ वजू गरिएका ति अंगहरूबाट चम्किरहेको प्रकाशले चिन्ने छु "

उहाँले आफ्ना उम्मतीहरूलाई वजूका अंगहरूबाट चम्किरहेको प्रकाशबाट चिन्नुहुनेछ।

त्यसपछि सबैभन्दा पहिला हिसाब हुने तीन व्यक्तिहरूको वर्णन गरिएको छ: एक विद्वान(आलिम) , एक शहीद, र एक धनी व्यक्ति।

• विद्वान(आलिम) : अल्लाहले उसँग सोध्नुहुनेछ, "तिमीले मेरो कुर-आन किन पढ्यौ ?" उसले भन्ने छ , "तपाईंको लागि।" अल्लाहले भन्नुहुनेछ, "तिमिले मानिसहरूले तिम्रो  प्रशंसा गरून् भनेर पढ्यौ। जसको   बदला तिमीलाई  दुनियाँमा दीइयो । अब तिम्रो ठेगाना  दोजख हुने छ ।"

• धनी व्यक्ति: अल्लाहले उ सँग सोध्नुहुनेछ, "मैले तिमिलाई धेरै धनि बनाए  , तिमिले त्यसलाई कहाँ खर्च गर्यौ ?" उसले भन्नेछ, "मैले गरीबहरूलाई दान दिएँ।" अल्लाहले भन्नुहुनेछ, "तिमिले मानिसहरूले तिमिलाई उदार भनून् भनेर दान गर्यौ । तिमिले आफ्नो बदला दुनियाँमा पाइसक्यौ । अब तिमिलाई दोजखमा हालिनेछ।"

• शहीद: अल्लाहले उ सँग सोध्नुहुनेछ, "मैले तिमिलाई अथाह शक्ति र  जवानी दिएँ, तिमिले त्यसलाई कहाँ खर्च गर्यौ ?" उसले भन्नेछ, "म काफिरहरूसँग लडेँ र आफ्नो ज्यान दिएँ।" अल्लाहले भन्नुहुनेछ, "तिमिले मानिसहरूले तिमिलाई बहादुर भनून् भनेर लड्यौ । तिमिले आफ्नो बदला दुनियाँमा पाइसक्यौ । अब तिमिलाई दोजखमा हालिनेछ।"

पैगम्बर मुहम्मद (सल्लल्लाहु अलैहि वसल्लम) ले भन्नुभएको छ कि कयामतको दिन कुनै पनि व्यक्ति तबसम्म आफ्नो ठाउँबाट हट्न सक्दैन जबसम्म उसलाई पाँच प्रश्न सोधिँदैन। यी रहे ति पाच प्रश्नहरु 

१. तिमीले आफ्नो जीवन कसरी बितायौ? यो प्रश्नले समग्र जीवनको उद्देश्य र कर्ममा केन्द्रित छ। तिमीले आफ्नो जीवन अल्लाहको आदेश अनुसार बितायौ वा आफ्नै इच्छा अनुसार? तिम्रो जीवनको मुख्य उद्देश्य के थियो?

२. तिमीले आफ्नो युवावस्था कसरी उपयोग गर्‍यौ? मानिसको युवावस्था शक्ति र ऊर्जाको समय हो। यो प्रश्न सोधिन्छ किनभने यो समयमा व्यक्तिमा धेरै क्षमता हुन्छ। के तिमीले यो शक्ति र ऊर्जा अल्लाहको सेवामा र असल काममा लगायौ वा व्यर्थमा गुमायौ?

३. तिमीले आफ्नो धन कसरी कमायौ? यो प्रश्नले धन कमाउने तरिकाबारे सोध्छ। के तिमीले हलाल (कानुनी र जायज) तरिकाले धन कमायौ वा हराम (गैर-कानुनी र नाजायज) तरिकाले?

४. तिमीले आफ्नो धन कसरी खर्च गर्‍यौ? यस प्रश्नको मुख्य उद्देश्य धनको उपयोगबारे सोधपुछ गर्नु हो। के तिमीले आफ्नो धन अल्लाहको बाटोमा, गरीबहरूको मद्दतमा, र असल काममा खर्च गर्‍यौ वा व्यर्थमा वा पापको काममा खर्च गर्‍यौ?

५. तिमीले आफ्नो ज्ञान अनुसार के काम गर्‍यौ? अल्लाहले मानिसलाई ज्ञान दिनुभएको छ। यो प्रश्नले व्यक्तिले आफूले सिकेको ज्ञानलाई कसरी व्यवहारमा लागू गर्‍यो भन्नेबारे सोध्छ। के तिमीले आफ्नो ज्ञान अनुसार अरूको भलाइको लागि काम गर्‍यौ वा त्यो ज्ञानलाई केवल आफ्नो स्वार्थका लागि प्रयोग गर्‍यौ?

त्यसपछि सुरा जुमरको आयतको व्याख्या गरिएको छ।

 وَ سِیْقَ الَّذِیْنَ كَفَرُوْۤا اِلٰى جَهَنَّمَ زُمَرًاؕ۝ 

اور کافر جہنم کی طرف ہانکے جائیں گے

भाषान्तर कन्जुल इमान नेपाली 

"“र काफिरहरू नर्कतर्फ धकेलिनेछन्।” 

सूरह जुमर, आयत ७१

जब तिनीहरू नरकको नजिक पुग्छन्, नरकको ढोका खोलिनेछ, र नरकका दरोगा  मालिकले तिनीहरूलाई सोध्नेछन्, "के तिमीहरू बीच  अल्लाहको रसूल आउनु भएका  थिएनन् जसले तिमीहरूलाई डराएका थिए?" तिनीहरू भन्नेछन्, "हो, आउनु भएका  थिए, तर हामीले वहाहरूलाई झुटो ठान्यौँ।" त्यसपछि तिनीहरूलाई नरकमा प्रवेश गर्न आदेश दिइनेछ। हजारौं वर्षसम्म नरकमा जलिरहेपछि, तिनीहरूले मालिकलाई बोलाउनेछन्। मालिकले अल्लाहसँग कुरा गर्न खोज्दा अल्लाहले भन्नुहुनेछ, "आजपनि  म न उनीहरूलाइ हेर्ने छु न कुरा नै गर्ने छु ।" जब यो सन्देश उनीहरूलाई दिइन्छ, नरकका बासिन्दाहरू यति ठूलो आवाजमा कराउनेछन् कि पूरा नरक हल्लिनेछ। यो कुफ्रको परिणाम हो। कुफ्रको माफी छैन।

त्यसपछि अल्लाहले अर्को समूहको बारेमा भन्नुहुन्छ: 

وَ سِیْقَ الَّذِیْنَ اتَّقَوْا رَبَّهُمْ اِلَى الْجَنَّةِ زُمَرًاؕ۝ 

اور جو اپنے رب سے ڈرتے تھے اُن کی سواریا ںگروہ گروہ جنت کی طرف چلائی جائیں گی 

भाषान्तर कन्जुल इमान नेपाली 

"र जो मानिसहरू आफ्नो रब (प्रभु) सँग डराउँथे, उनीहरूलाई समूह-समूहमा जन्नत (स्वर्ग) तिर लगिनेछ।"

सूरह जुमर आयत  ७३ 

 जब तिनीहरू स्वर्गको नजिक पुग्छन्, स्वर्गका सात ढोका खोलिनेछन्, र स्वर्गका दरोगा रिजवानले तिनीहरूलाई स्वागत गर्नेछन्, "सलामुन् अलैकुम तिम्रो लागि अल्लाहको शान्ति होस्।" त्यसपछि तिनीहरूलाई सधैँका लागि स्वर्गमा प्रवेश गर्न आदेश दिइनेछ।

स्वर्गमा प्रवेश गर्ने बित्तिकै, उनीहरूले सबैभन्दा ठूलो इनाम पाउनेछन् - पैगम्बर मुहम्मद (सल्लल्लाहु अलैहि वसल्लम) उनीहरूको स्वागतका लागि उभिनुहुनेछ। त्यसपछि स्वर्गका बगैंचाहरू, नहरहरू, महलहरू र सुन्दर पत्नीहरू (हूर-ए-जन्नत) को बारेमा वर्णन गरिएको छ। स्वर्गमा, मानिसहरूले जे चाहन्छन्, त्यो पाउनेछन्। उनीहरूले आफ्ना पैगम्बर र शहीदहरूलाई भेट्न पाउनेछन्। त्यसपछि अल्लाहले उहाँका सेवकहरूलाई आफ्नो प्रशंसा सुनाउन हूर-ए-जन्नतलाई आदेश दिनुहुनेछ, र उनीहरूले सय वर्षसम्म प्रशंसा सुनाउनेछन्। त्यसपछि दाऊद (अलैहिस्सलाम) लाई आफ्नो सुमधुर आवाजमा प्रशंसा सुनाउन आदेश दिइनेछ।

तर स्वर्गको सबैभन्दा ठूलो इनाम अल्लाहको दर्शन हो। अल्लाहले आफ्नो पर्दा हटाउनुहुनेछ र आफ्ना सेवकहरूलाई आफ्नो दर्शन दिनुहुनेछ। यो नै स्वर्गको सबैभन्दा ठूलो इनाम हो। रोजा राख्नेहरूलाई अल्लाहले आफ्नो दर्शन दिने प्रतिज्ञा गर्नुभएको छ।

अन्तमा,  जन्नतको बाटो काँडाले भरिएको छ, जबकि जहन्नमको बाटो फूलले सजाइएको छ। तर यदि कोही यो काँडाको बाटोमा हिँड्छ, तब उसको लागि स्वर्गको बगैंचा पर्खिरहेको छ। तर जसले फूलको बाटो रोज्छ, त्यसपछि उसको लागि केवल आगो मात्रै छ। हामीले आफ्नो जीवन कसरी बिताउने, त्यो हाम्रो हातमा छ।

हामीले अल्लाहसँग प्रार्थना गर्नुपर्छ कि उहाँले हामीलाई आफ्नो जन्नतबाट वञ्चित नराख्नु होस् र हामी सबैलाई क्षमा गर्नुहोस्।